بكل حب
يهدف بودكاست "بكل حب" إلى رفع الوعي ونشر التوعية السليمة حول مواضيع مختلفة تخص تربية الأطفال بحب وأمان. كيف يمكن أن نمنح أطفالنا الوقت، والمساحة الآمنة والحب غير المشروط في كافة مراحل نموّهم بطريقة واعية، هادئة، لطيفة ومتناغمة وفق مبدأ وقوانين الطاقة. أطفالنا يستحقون أن نربيهم بكل حب.
Episodes
شو المواضيع لي مهم نحكيها مع ولادنا قبل ومع بداية العام الدارسي؟
بعيداً عن كل التحضيرات الخاصة بالكتب والشنط والقرطاسية، وبعيداً عن كل المواعظ لي ممكن تتعب وتضغط الطالب/ة ليكونوا عم يعطوا أفضل ما عندهم هيدا العام، شو هيي أهم المواضيع والأحاديث لي ضروري جداً نحكي فيها مع ولادنا قبل ومع بداية العام الدراسي الجديد؟ تابعوا معي هيدي الحلقة الجديدة من بودكاست 'بكل حب'. استمع إلى بودكاست مبروك كبرتي على أنغامي الآنhttps://hakawati.fm/mabrouk-kbirti
ليش مهم جداً نربي ولادنا يكونوا أحرار؟
هيك الموضة، هيك لازم، هيك كل العالم ماشية ليش نحنا بدنا نحرم ولادنا من إنو يكونوا متل الكل؟ وأنا سؤالي ليش بدنا نمشي متل الكل وما نسائل وليش بدنا نسلب ولادنا إرادتهم الحرّة وحقهم يكون عندهم رأي مختلف لأنو الكل ماشي هيك؟ ووين مسؤوليتنا نحنا كيف عم نتصرّف معهم وقدامهم ونحنا شو عم نتبع وبشو عم نجبرهم من دون مساءلة؟
ليش مهم نربّي ولادنا يكونوا أحرار ووين مسؤوليتنا كأهل نقبل أي شي عم يتقدم لولادنا بس
ليش مهم جداً نغمر أطفالنا؟
يعني هيك بدنا نقضّيها عم نغمر ولادنا كل النهار؟ وهيدي الجيل عم يطلع كتير مغنّج من ورا هالشي؟
مين قال إنو الغمرة بتخلّي الطفل يطلع كتير مدلّع؟ وليش بدنا نضلّ حاملين هالنظريات وماشيين فيها على حساب صحة أطفالنا النفسية والجسدية والعقلية؟ ليش مهم جداً نكون عم نغمر أطفالنا بحب وصدق ومن دون شروط وقدي ممكن للغمرة مش بس تريّح الطفل وتكون عم تحسّسه بالأمان إنما عم تخلق تواصل حلو ورابط ثقة قوي بينه وبين أ
كيف ممكن نشرح جدار الصوت لأطفالنا من دون ما نكذب عليهم أو نخوّفهم؟
مع كل خرق لجدار صوت عم يصير يومياً بلبنان في صوت مزعج عم يطلع وعم يكون مرعب لكتير من الأطفال وحتى للمراهقين. كيف فينا نشرح اولادنا شو يعني جدار صوت بشكل علمي ومبسّط من دون ما نكذب عليهم أو نخوّفهم ومع الحفاظ دايماً على مساحة آمنة للتعبير عن مشاعرهم الحقيقية؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
جدار صوت رجعّلي عالواجهة تروما من ٣٥ سنة لورا
لبعض الناس بيقدر يكون عادي جداً جدار صوت وعم يصير كل يوم وتعوّدنا على هالشي بلبنان، و للبعض بيقدر يخلق خوف ونقزة قوية أو بيقدر يضهّر عالواجهة صدمات قديمة ومنسية مرتبطة بأصوات وحوادث الحرب. هل غلط أو عيب نشعر بالخوف بلحظة حصول جدار الصوت؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
يلّا خلص شهر تمّوز وخلصت الصيفية و ما بقى في كتير للرجعة عالمدرسة
هيدي الجملة الأهل بيضلّوا يقولوها قدام الولاد وهني عن جد مش عارفين قدي ممكن تكون مزعجة للطفل أو للمراهق هني وبعدن عم يستمتعوا بعطلتهم الصيفية. ليش مهم نسمح للولاد يتسلّوا ويفرحوا بالصيف ونعطيهم كل وقتهم من دون استعجالهم ومن دون الخوف إنهم عم يضيّعوا وقت إذا لعبوا وما درسوا وإنو رح يرجعوا يفوتوا عالمدرسة ناسيين كل شي؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك
رسبت بالمدرسة هالسنة؟ ما في إلك ضهرات ولا مشاوير ولا ألعاب
كم مرّة سمعتوا هالجملة من حولكم أو حتى بحياتكم؟
ليش بعد في كتير أهل بيعاقبوا ولادهم وبيحرّموهم من المرح وبيستخدموا معهم عبارات قاسية ومدمّرة وقت ما يكونوا نجحوا بإمتحانات آخر العام؟ قديش ممكن هالشي يخلق شعور بالعار، والخوف والذنب وكتير من المعتقدات المحدودة؟ وين دورنا كأهل نختار نغيّر وما بقى نكرر أخطاء تربوية؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرت
أقل من درجة ممتاز بالإمتحانات الرسمية ما برضى
ولادي ما بينجحوا إلا ب Mention
أقل من ممتاز ما بقبل. ما عندي ولاد ما بتجيب درجات امتياز عالية بالإمتحانات الرسمية. إبن عمك بشو أحسن منك ليجيب درجة ممتاز وانت شو ناقصك وشو منقّصين عليك كرمال ما تكون متلو؟ وليش كل رفقاتِك بدهم يجيبوا درجات عالية وإنتي لا؟
ونحنا ليش بعدنا عم نحط هلقد ضغوطات على ولادنا بالإمتحانات الرسمية؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مب
معقول تخلّي إبنك يروح تخصّص مهني وتحطّيه مع الفاشلين؟
معقول تخلّي إبنك يروح على تخصص مهني؟ بدك تحطي مع الفاشلين؟ شو بيقولوا عنا العالم؟ مش طالع من أمره شي راح كفّى مهني؟
ليش بعد في ناس عندها هالنظرة البشعة عن التعليم المهني وليش بيتمّ تصنيف الطلّاب لي بيتوجّهوا يتابعوا مهني إنهم فاشلين وما طالع من أمرهم شي؟ ليش مهم نشجّع ولادنا يتوجّهوا للتخصص لي بيرتاحوا إلو خاصةً إذا هيدا شغفهم!
تابعوا معي هيدي الحلقة الجديدة من بودكاست 'بكل حب'.
استمع إلى بو
ليش مهم جداً نسمع لقلق وخوف أطفالنا قبل أي تغيير جديد بحياتهم؟
بهيدي المرحلة من السنة في كتير أطفال ومراهقين بيمرّوا بتغييرات عديدة من تغيير مدرسة بسبب تغيير البيت، الإنتقال لمرحلة دراسية جديدة، عدم الشعور بالراحة بالمدرسة لي هني فيها أو حتى الإنتقال لبلد جديد. كيف ممكن نخلق مساحة آمنة لمرحلة الخوف والقلق من التغيير بعيداً عن المقارنة، وتجاهل مشاعرهم أو فرض الواقع الجديد عليهم بإعتبار إنو خلص غنج بكرا بيتأقلموا؟
تابعوا معي هيدي الحلقة الجديدة من بودكاست 'بك
طفلة من غزّة: لما بابا ساب إيدي، راح الحب
هيدي الجملة قالتها طفلة من غزّة بأول العام بس كانوا عم يسألوها عن أمنيتها للعام الجديد وكانت أمنيتها يرجع والدها جنبها، والدها لي كان سندها متل ما حكيت وتم اعتقاله. نحن وعم نحتفل بيوم الأب قدي مهم نتذكّر كيف عم نكون حاضرين عن وعي وبحب غير مشروط بحياة أطفالنا وكيف عم نختار نداوي جروحاتنا كرمال ما نرميها عأطفالنا وكرمال نكون سند أمان حقيقي بحياتهم من دون تربيح جميلة.
تابعوا معي هيدي الحلقة الجديدة
ما بحب وقت تشتغلي كل النهار وتكوني معصّبة
ممكن كتير يمرّ علينا إيام كأهل نشعر فيها إنو اشتغلنا وتعبنا كتير، كان نهارنا طويل، انفعلنا، عصّبنا، حكينا بنبرة قاسية، زعلنا وهيدا شي كتير طبيعي. بس كيف ممكن ولادنا يتلقوا ردّات فعلنا، كيف ممكن يفهموها، قدي ممكن يحمّلوا حالهم تبعات مشاعرنا ؟ وليش مهم جداً نحكي معهم ونشرحلهم لي صار كرمال ما يبقوا حاملين طاقة مشاعرنا معهم؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مب
عن جد بتعقدي تلعبي مع بنتك وبتعمليلا نشاطات؟ شو إلك جلادة
شو إلك جلادة ! كل ما إسمع هالجملة كتير بزعل !
إذا مش نحنا كأهل قعدنا ولعبنا مع أطفالنا واستمتعنا معهم بأجمل مراحل حياتهم وأعطيناهم كل الوقت لينمّوا خيالهم ، ويبدعوا، ويخترعوا، ويطوّروا مهاراتهم ومواهبهم، ونخلق تواصل حوار بيننا وبينهم، مين بدو يعمل هالشي؟ ليش عم نختار نجيبهم على هالحياة؟
ما فينا نضلّ عم نزنّ ولادنا عالشاشات وما حدا بدو يعمل مجهود يقعد مع ولادو. أكيد بيحقلّنا نرتاح كأهل، ومهم جد
إذا ما دخلتي متل الكل عالإحتفال ما رح يطلعلك كاتو
من أكتر الأخطاء لي بيرتكبوها الأهل بلا ما ينتبهوا هوي بس يجبروا أطفالهم يحضروا حفلات أعياد ميلاد أصحابهم أو أي احتفال تاني وتهديدهم بحرمانهم من قصص معيّنة بيحبوها أو من الحصول على الطعام من دون الأخذ بعين الإعتبار إنو الطفل خايف، مزعوج، مش عباله، أو في شي عم يخلّي يشعر بالقلق.
ليش مهم ما نجبر أطفالنا ولا تقارنهم ولا نحسسهم إنو غيرهم من لي فات واحتفل وشارك أفضل وأحسن منهم؟
تابعوا معي هيدي الحلق
كيف منشجّع أطفالنا على الإيمان بتحقيق أمنياتهم؟
بس أطفالنا يشاركونا أمنياتهم، مهم جداً نشجعهّم على الإيمان فيها وبنفسهم، بقيمتهم الذاتية، وبإستحقاقهم العالي بدل من اللجوء للإستخفاف فيهم وبأحلامهم أو بوضع عوائق بتحبط عزيمتهم وبتدفعهم يتخلّوا عن عزيمتهم وقدرتهم على تحقيق أمنيتهم شو ما كان نوعها.
كيف منساعد بنتنا على الإيمان بتجلّي أمنياتها وكيف قدرت مؤخراً إنها تحوّل وحدة من أمنياتها لحقيقة؟
تابعوا معي هيدي الحلقة الجديدة من بودكاست 'بكل حب'
مين قال إنو ولادنا مش ممكن يفرحوا بالإشيا البسيطة والحقيقية؟
قدي مهم يكون عنا وعي كأهل إنو نكون عم نربي ولادنا يختاروا لي هني بيرغبوا فيه وبيحبوا مش لي دارج من حولهم مش لي نحنا بدنا ياه كرمال نكون عم نعيش متل الكل ونواكب العصر؟ مين قال إنو الولاد ما فيها تفرح بالقصص البسيطة لي فيها وفرة حقيقية وتكون فرحتها صادقة ودايمة ؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
سنة حلوة لبنتي الحلوة ولبودكاست بكل حب
بودكاست بكل حب غاب ٣ أشهر وعم يرجع اليوم ببداية متجددة وبرسالة حب وإمتنان لبنتي لي كبرت سنة وكبر معها بودكاست بكل حب سنة جديدة. ياسمينا لي غيّرت كتير قصص بحياتنا وألهمتني العام الماضي خصّص بودكاست عن يوميات أطفالنا والتربية بحب وعن وعي وانطلقنا فيه يوم عيد ميلادها.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
بعدك زعلانة؟ لاء، عطيت وقت لمشاعري وهلّق صرت أحسن
ليش مهم نسمح لولادنا يحزنوا وما نتسرّع ونحاول نتحكّم بمشاعرهم لنوقّف الشي لي عم يشعروا فيه إن كان خوفاً عليهم أو إن كان لأنو كان معنا وقت لمشاعرهم؟
قدي مهم نعلّمهم يواجهوا ويقولوا الحقيقة للشخص لي زعجهم ليكبروا صادقين مع حالهم؟
قدي مهم أطفال غزّة اليوم بكل لي عم يمرّوا فيه من قساوة نسمحلهم كمان يزعلوا ويبكوا ويأخدوا كل وقتهم وما نحطلّهم براسهم ولا براس أي طفل إنو خليكم اقوياء كرمال كرامتكم.
خل
وقت كنتو زغار ما كنت شيل ولا غرض من قدامكم! كم مرّة سمعتوا هالجملة؟
وقت كنتوا زغار ما كنت شيل ولا غرض من قدامكم. البيت كان يضلّ مرتب، نضيف، ما كنتوا تمسكوا منفضة. كم مرّة سمعتوا هالجملة من أهاليكم؟ وقدي خلق هالشي ميل لكل شي يكون مثالي وكامل بحياتكم وقدي بتقسوا على حالكم إذا ما كان كل شي كامل ومثالي؟ ليش مهم نسمح للطفل يعيش حياة حقيقية وحيوية بالبيت مع رسم حدود صحية؟
قدي في وجع وألم بغزّة اليوم وقت الأهل لي فقدوا أطفالهم عم يشتاقوا لحضورهم ووجودهم وكل الفوضى لي م
كيف منربّي جيل بيعرف ياخد مواقف إنسانية؟
وعّتني بنتي من كم يوم لتخبرّني عن شي صار معها من سنة وزعجها كتير وقدرت بوقتها تعبّر عن موقفها بحزم. هيي وعم تحكي ذكّرتني بكتير مواقف منتربّى فيها على الخوف من إنو ناخد موقف صح.
قدي مهم نسمح لأطفالنا يسمعوا لحدسهم، ومشاعرهم، ويميزوا بين المقبول وغير المقبول، ويشوفونا عم ناخد مواقف عادلة قدامهم لننمي عندهم حس الإنسانية والعدالة وليتعلّموا بدورهم يكون عندهم رأي ومواقف إنسانية عادلة؟
تابعوا معي هيد
سألتني بنتي إذا تم تدمير كل شي بفلسطين وقتلوا كل الناس لي بتعمّر بيوت مين بيرجع يعمّر؟
بطريقة كتير بريئة وصادقة سألتني بنتي هيدا السؤال وأخذني دقايق لإقدر جاوبها واشرحلها على قد عمرها انو صحيح في وجع ودمار واشيا مؤلمة عم تصير، رح يضلّ في مكان للحلم بفلسطين حرّة وعم ترجع تتعمّر ! كيف منساعد الأطفال اليوم يؤمنوا بتحقيق بأحلاهم وبفلسطين متحررة من كل هالظلم؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk
كيف منعلّم ولادنا يقدّروا قيمة أي شي بالحياة؟ من خلال تعزيز الإمتنان بقلوبهم
ابني ما بيعجبه شي؟ بنتي شو ما اشتريتلا ما بتقدّر شي؟ ولادي ما عم يعرفوا قيمة شو عم نقدملّهم، كل لي عندهم ياه هلّق ما كان عنا ياه بعمرهم! لأنو كنتوا شاطرين أخذناكم هالمشوار. قلت شكراً لتيتا وجدو ؟
مع بداية هيدا العام كيف منخلق تغيير عند أطفالنا من خلال تعزيز التقدير الإمتنان الحقيقي والعفوي بقلوبهم؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي ال
كل عام والأطفال أحرار، محميّين، غير مبرمجين، صوتهم مسموع وبصيرتهم مفتوحة
بليلة راس السنة، أمنيتي الأطفال يكبروا بأمان، يكونوا دايماً محميين، حقوقهم محفوظة، أحرار بفكرهم، غير مبرمجين، صوتهم مسموع، بصيرتهم مفتوحة ومحبوبين من دون تمييز وأجندات وحسابات وشروط.
نحنا وعم ننهي سنة ونبدا سنة جديدة مع أطفالنا مهم جداً نذكرّهم بالوقوف الدايم مع الحق بوجه الظلم. نحنا وياهم نضوي شمعة لأطفال فلسطين والسودان وجنوب لبنان ونبعت من قلبنا حب ونور وسلام!
بهيدي الليلة لي معظم الناس في
بليلة عيد الميلاد، حب كبير لكل طفل موجوع وحيد
بليلة عيد الميلاد، بتمنى نتذكر انو بلحظات الاحتفالات الكبيرة؟ في أطفال عم تنقصف بكل دقيقة وفي أطفال وحيدة وموجوعة وخسرت كل شي بيعطيها الأمان والدفا. بكل حب بتمنى نمنح ولو ٥ دقايق من وقتنا نبعت فيها نية حب وسلام لقلب كل طفل موجوع ووحيد الليلة.
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
وسط تحضيرات الأعياد، كيف مننمّي حسّ الإنسانية عند أطفالنا بعيداً عن اللامبالاة والذنب؟
بين مش قادرين نعيّد ولا بدنا نعيّد ولا نحتفل أو عم نحاول بس كرمال ولادنا وبين لا والله بدنا نعيّد، ونعيش، تعبنا وهيدي الحرب مش عنا ونحنا أصلاً ما بدنا الحرب.. شو منقول لأطفالنا وكيف منمّي فيهم الإنسانية، وروح العيد الحقيقية، وحس التعاطف الحقيقي بعيداً عن الإنقسام والإنفصال واللامبالاة والحرمان والذنب والشفقة؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على
ليش ما بتبعتوا بنتكم عالمدرسة؟ لعدّة أسباب وكرمال ما تتعلّم التاريخ والجغرافيا غلط
إذا قدام عيوننا عم يحاولوا اليوم يغيروا ويكذّبوا لي عم يصير بفلسطين كيف بدنا نختار نصدّق كل شي علّمونا ياه بالكتب والمناهج عن التاريخ والإحتلال والإستعمار؟ وين دورنا اليوم كأهل نختار يكون عنا دور بشو عم يتعلّموا ولادنا ونرفض نسمحلهم يحفظوا تاريخ وجغرافيا عن غايب ومن دون مساءلة بس ليجيبوا علامة منيحة ! وين دورنا بالحفاظ على بصيرة أطفالنا مفتوحة؟
تابعوا معي هيدي الحلقة الجديدة من بودكاست 'بكل حب'.
كيف شرحت المقاطعة لبنتي لي عمرها ٧ سنين؟
كيف اخترت اشرح لبنتي لي عمرها ٧ سنين عن مبدأ المقاطعة بشكل بسيط جداً وعلى قد عمرها وسمحتلا تكون عم تحافظ على وعيها وبصيرتها وإرادتها الحرّة لتقدر تكون عم تكبر وتميّز صح وبوضوح وتقدر تحافظ على الحق من خلال صوتها ورأيها الحر !
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
ننزل لعند طفلنا ونغمره ونكرّر حتى لو غلّط هيدي مش عادات من الغرب، هيدا إسمه أمان وحب
"من نظرة وحدة إبني بيجمد بأرضه وبيسكت!
كلمة وحدة وما بعوز عيدها ولادي بيسمعوا الكلمة!
جيل اليوم كتير مدلل ومغنّج وما عم نقدر نهدّي.. هيدي تربية الغرب لازم نقاطعها وهيدي موضة التربية الحديثة لازم نرفضها ومن شو بتشكي طريقة أهالينا؟ ليك كيف كبرنا ما بنا شي وما بحياتو طلع صوتنا ومنخاف من أهلنا ومنحترمهم."
كم مرّة سمعتوا هيدي الجمل أو يمكن كررتوها؟
بين طفرة الوعظ والكوتشينغ من دون وعي وموجة المسخر
بمناسبة اليوم العالمي للطفل، هل فعلاً كل أطفال العالم بأمان وآخدين حقوقهم صح؟
بالحديث عن اليوم العالمي لحقوق الطفل لي بيصادف بكرا ب ٢٠ نوفمبر ومع كل لي عم يشهدوا أطفال غزة وفلسطين كلها هل فعلاً بعد في مصداقية بس تحكي المنظمات عن حقوق الطفل؟ هل فعلاً كل أطفال العالم بأمان وآخدين حقوقهم صح وبشكل عادل؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
سألت أطفال من كل الأعمار والجنسيات شو يعني سلام؟ هيك كان السلام بعيونهم
طلبت من صديقات وأصدقاء من مختلف الجنسيات يسألوا أطفالهم لي من مختلف الأعمار شو يعني سلام، وشو بيعنيلهم السلام؟ أجوبتهم كانت كتير معبّرة، مميّزة ومؤثّرة! شو هوي السلام بعيون أطفالنا؟
تابعوا معي هيدي الحلقة الجديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
أطفال اليوم قادة المستقبل.. إذا بدنا تغيير وسلام خلينا نشوف كيف عم نربّي أطفالنا
إذا نحنا اليوم مزعوجين من كل شي عم يصير حوالينا وعم نشوف قادة ورؤساء دول عم يخذلونا وإعلام عم يضللّ ويتحيّز ويسكت عن الحق.. وإذا نحنا عن جد بدنا تغيير وسلام بهالدنيا خلينا نختار نشوف نحنا كيف عم نربّي أطفالنا لأنو أطفال اليوم هني قادة المستقبل!
تابعوا معي هيدي القصة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
بالحرب أنا وزغيرة كنت إسرح بالغيوم لإشعر بالأمان، اليوم كيف منساعد أطفالنا؟
أنا وزغيرة لإنسى ألم الحرب كنت إسرح بالغيوم والنجوم واتخايل عالم أفضل وأجمل وكنت غوص بالكتب وعيش مغامرات مع الشخصيات لإشعر إني بمكان أفضل. اليوم بهيدي الحرب كيف فينا نساعد أطفالنا يهدأوا؟ كيف منقدر نخبرهم عن الشاكرات ونساعدهم يفهموا مشاعرهم يعبّروا عنها؟
تابعوا معي هيدي القصة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
سألتني بنتي مين فلسطين، ليش في حرب؟ وهل في شجر زيتون كفاية لكل بيت بفلسطين؟
أنا وزغيرة سألت مين فلسطين؟ وليش عم تقتلوا الفلسطينية ما حدا جاوبني؟
اليوم بعد ٤٠ سنة بنتي سألتني نفس السؤال وسألتني ليش عم يدمّروا الجمال ويدمّروا فلسطين؟ وفي شجر زيتون كفاية لكل بيت بفلسطين؟
شو جاوبتها وشو خبرتها عن فلسطين؟
كيف خبرتها عن الحرب من دون ما اخلق خوف ورعب بقلبها؟
تابعوا معي هيدي القصة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakaw
ما بدّي إعتذر! هل لازم نجبر أطفالنا على الإعتذار؟
يلا قول Sorry لخيّك… إعتذري من رفيقتك فوراً..
روح قول pardon للتيتا، معكم ٥ دقايق تعتذروا من بعض وتحلّوا المشكل..
ما بدي إعتذر… وأنا ما عملت شي غلط… مش مزبوط أنا عملت هيك…
هل لازم نجبر أطفالنا على الإعتذار؟ ليش خطأ نجبرهم يقولوا شي مش حاسّينو؟ كيف منعطيهم مساحة ووقت ليكون الإعتذار حقيقي وصادق من بعد ما يكونوا أخذوا مساحة للتعبير عن مشاعرهم وليفهموا لي صار ويقبلوا ويكون الإعتذار بمبادرة شخصية وص
ما بدهم يلعبوا معي… ما بدهم يكونوا رفقاتي
ما بدهم يلعبوا معي وما بدهم يكونوا رفقاتي هني من الجمل لي بيخلّوا كتير من الأهل يتألّموا ويغضبوا بس يسمعوا إنو طفلهم عم يشعر إنو متروك أو منبوذ.
كيف فينا نساعد أطفالنا على تخطي هيدي المرحلة بشكل صحّي من دون الشعور إنهم أقل شأناً من غيرهم ومن دون فرض أي صداقة عليه؟
تابعوا معي حلقة اليوم الجديدة من بودكاست 'بكل حب.'
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirt
أفضل وجبة سناك عالمدرسة هي الوجبة المحضّرة بحب مش للتباهي
بين مين بيحضّر وبيصوّر أفضل وجبة سناك للمدرسة ومن شو بتشكي ساندويش اللبنة الملشّلشة وساندويش الحلاوة المقرقحة: أفضل وجبة سناك عالمدرسة هيي الوجبة المحضّرة بحب مش للتباهي!
كيف فينا نختار نحضر السناك الأنسب لأطفالنا بكل حب ومصداقية من دون التأثّر بالتراندات ومن دون الشعور بالتقصير أو بالعيب أو بالخجل إذا وجبة طفلنا مختلفة شكلاً ومضموناً عن وجبات باقي الطلّاب؟
استمع إلى بودكاست مبروك كبرتي على أنغ
بسيطة بيبكي كم يوم وبيتعوّد.. بدِّكم تقسّوا قلبكم
أكتر جملة وأقسى جملة ممكن يسمعوها الأهل عند أول يوم بيروح فيها الطفل عالحضانة أو عالمدرسة هيي بسيطة بيبكي كم يوم وبكرا بيتعوّد وبدكم تقسّوا قلبكم!
ليش مهم نوقف نستخدم هيدي النصيحة المؤلمة للطفل وللأهل؟
كيف فينا نختار نعطي كل الوقت اللازم لطفلنا كرمال مرحلة الإنفصال تكون مبنية على الترابط الصحّي وعلى الشعور بالأمان بعيداً عن الغصب والتهديد والمقارنات والرشوة والوعود وتحديد المهل كرمال ما بقى الطف
مع الرجعة عالمدرسة، أهم من الشنطة الجديدة المعاملة اللطيفة
مع الرجعة عالمدرسة لي أهم من الشنطة الجديدة وكل القرطاسية الحلوة، هوي إنو نذكّر أطفالنا بأهمية قيمتهم الذاتية لي ما بتحددها لا الشنطة الجديدة ولا المقلمة القديمة ولا العلامة لي رح يجيبوها بالإمتحان.
نذكّرهم بأهمية المعاملة اللطيفة والإحترام بين بعض كطلّاب شو ما كانت اختلافاتهم، بعدم معايرة بعضهم مين أغراضه أفضل وأجمل، مين الأقوى والأفضل، بعدم التنمّر، المشاركة بالتنمّر والتستّر عن التنمّر أو أي
ما بدي إتصوّر! هل لازم نصوّر الأطفال وننشر صورهم من دون إذن منهم؟
ما بدي إتصوّر، مش عبالي إتصوّر اليوم، ما بحب حدا يصوّرني.. هل بتسمعوا لأطفالكم بس يقولولكم ما بدهم يتصوروا أو بتحبروهم يتصوّروا بالقوة لأنو اليوم تيابهم حلوين، عملوا شي مهضوم، اليوم عيد لازم نتصور مع تيتا وجدو، الكل عم يحط صورة هالعيد عالسوشيل ميديا ولازم نحنا كمان نحط صورة لو الطفل عم يبكي وما بدو؟؟ ومنزّل صورته عم يبكي!!
هل فكرتوا شي مرة قدي مهم ناخد إذن من الطفل قبل ما نصوره وقبل ما ننشر ونشار
إذا ما رح تمشي معنا بهيدي اللحظة، نحنا مغادرين من دونك
إذا ما رح تمشي معنا بهيدي اللحظة، نحنا فالّين من بلاك أو مغادرين من دونك.. وبيمشوا الأهل وبيتركوا الطفل بركي هيك بيتعلّم وبيتربّى وبيصير يسمع الكلمة وما يعاندهم !
هيدي الجملة مرعبة جداً لدماغ الطفل!
هيدي آخر مرّة منضهر أو بجيبك تلعب هون… هيدي الجملة تهديد وترهيب وترك الطفل مع شعور بعدم الإستحقاق.
أخّرتني على شغلي، أخّرتني الكل على كل شي، خربطت المشوار عالجميع، كلها كلمات بتخلق شعور بالذنب… وكل
أنا كم مرّة قلت ما تعملوا هيك…
أنا كم مرّة قلتلّك هيدا الأغراض بالبيت مش لإلك وما تلعب فيها؟ أنا كم مرّة قلتلّك رح توقع؟ كم مرّة كررت إنو هيدي الشغلة خطرة وما تمسكها؟ ليه ما بتفهم ؟ شفت شو صار معك؟ انبسطت هلّق كيف خرّبتها؟
هالمرّة ما صار شي مرّة تاني بتؤذي حالك ما رح اطلع فيك لتتعلّم وتسمعني بس إحكيك!
شي مرّة انتبهتوا قدي هيدي الجمل فيها ترهيب، وتخويف، وتخلّي وخلق شعور بالعار وبالذنب وكسر للثقة بين الطفل والأهل؟
كيف ممكن ن
إنتَ بطل.. إنتَ قبضاي.. ما عندي صبيان بيخافوا!
إنتَ بطل، إنتَ قبضاي، إبني رجّال، ما عندي صبيان بيخافوا، ليش عم تبكي متل البنات؟ أختك أزغر منك وما بتخاف، ليش تركتهم يضربوك؟ شدّ حالك، بدي ياك رجّال! سجّلوا كاراتيه بركي بيقوى وبيبطّل حسّاس… وغيرها كتير من الكلمات بتنقال للصبي إذا بكي أو خاف.
كيف فينا نغيّرها ونصححها ونخلق مساحة آمنة للصبي يكون عم يعبّر عن مشاعره من دون معاقبته، تأنيبه، الحكم عليه أو الخوف عليه؟
تابعوا معي حلقة اليوم الجديدة م
بنهار عيد ميلادي حابة ابعت رسالة حب
لأنو كل شي بيبدأ من طفولتنا ولأني تألّمت كتير بطفولتي وبمراهقتي نتيجة الرفض ولأني يومياً بشغلي وبجلساتي بستمع لكتير قصص بشوف فيها قدي في ألم جاية من الطفولة نتيجة غياب الوعي والحب غير المشروط، بعيد ميلادي اليوم حابة كون عم وجّه بكل حب رسالة حب.
تابعوا معي هيدي القصة بحلقة جديدة من بودكاست 'بكل حب.'
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
هيدي اللعبة لإلي.. لاء لإلي… هل لازم نجبر الأطفال يشاركوا لعبتهم؟
كلنا تربينا على فكرة أهمية نشارك ألعابنا مع غير أطفال بالوقت لي فعلياً ما كان عبالنا إنو نتشارك بس عملنا هيك إرضاءً لرغبة الأهل، خوفاً من تهديداتهم أو من العقاب و حفاظاً على صورة جميلة وإيجابية أمام العالم ولو هالشي كان على حساب مشاعرنا.
هل فعلياً من الصحّي نجبر أطفالنا يتشاركوا ألعابهم الخاصة أو أي لعبة معيّنة بمكان عام مخصص لألعاب الأطفال؟
تابعوا معي هيدي القصة بحلقة جديدة من بودكاست 'بكل حب
وين مسؤوليتنا جميعاً بالحد من تعريض الأطفال للعنف؟
بعد لي صار مع الأطفال لي تم تعنيفهم وتعريض حياتهم للخطر داخل إحدى الحضانات بلبنان، وين مسؤولية المجتمع كلو بالعمل على تفادي إنو تتكرر هيدي الحوادث لي صارت أو لي عم تصير يومياً إنما بالسرّ أو عالسكت وبالحد من كافة أشكال العنف لي ممكن يكون عم يتعرّض إلها الطفل وين ما كان؟
تابعوا معي هيدي القصة بحلقة جديدة من بودكاست 'بكل حب.'
استمع إلى بودكاست مبروك كبرتي على أنغامي الآن
https://hakawati.fm/mabr
كيف منحمي أطفالنا من التحرّش وكيف منتصرّف في حال حصل تحرّش؟
كيف ممكن نحمي أطفالنا من التحرّش الجنسي بكل أشكاله وكيف منتصرّف ومنحتضنهم ومنخلقلهم مساحة آمنة في حال تعرّضوا للإغتصاب أو لأي نوع من التحرّش المباشر أو عبر الإنترنت؟
تابعوا معي هيدي القصة بحلقة جديدة من بودكاست 'بكل حب.'
بكل حب سلام ونور لروح الطفلة لين طالب ولروح كل طفل وطفلة فقدوا حياتهم نتيجة الإعتداءات الجنسية.
كل الحب لكل طفل وطفلة ومراهق ومراهقة عانوا وبعدهم عم يعانوا من التحرّش، من الإغ
ليه بنتك بتستحي هلقد؟
ليه ابنك أو بنتك بتستحي هلّقد؟ هل عم تسمعوا هيدي الجملة بس تكونوا بمكان عام مع أطفالكم وبيرفضوا أو بياخدوا وقتهم ليحكوا ويتفاعلوا مع الموجودين؟ هل يتجبروهم يحكوا أو بتعطوهم وقتهم ومساحتهم؟ وهل فعلاً إذا ما تفاعلوا هني أطفال خجولين؟
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
ما بدي إلبس هول التياب وبدي كل كلسات لون
ما بدي إلبس هول التياب، وبدي إلبس كل فردة كلسات لون، وهيدا الحذاء بيزعجني، وبرتاح ضلّني حافية، وما بحب إنقل من التياب الشتوي للصيفي، وبحب كون بالتياب لي أنا برتاح فيهم. هل بتسمحولهم يلبسوا لي بيرتاحوا فيه أو بتجبروهم يلبسوا على ذوقكم حتى لو كانوا مزعوجين؟
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
كم مرّة قلتلّك ما تلوّن برّا الزيح؟
كم مرّة قالولكم إنتو وزغار ممنوع أو غلط تلوّنوا برّا الزيح أو خارج الخطوط؟ وهل اليوم عم تقولوا الجملة ذاتها لأطفالكم؟ ليش مهم جداً ما نجبر الطفل كيف يلوّن، وأي لون يستخّدم وكيف يعمل الأشغال اليدوية وكيف ممكن هالشي ينعكس عليه بس يكبر؟
تابعوا معي هيدي القصة بحلقة جديدة من بودكاست 'بكل حب.'
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
ليه ما فيني آكل غزل البنات؟
ليه ما فيني آكل غزل البنات؟
وليه بيعملوا إشيا ملوّنة ومغلّفة بعلب ورسومات وألوان ملفتة ومغرية للأطفال وهيي مش صحية؟ كرمال يخدعولنا دماغنا بأشكال حلوة ونحنا نصدق ونشتريها وهيي مؤذية لجسمنا؟ هيك سألت وعبّرت ياسمينا.
أنا شو جاوبتها وكيف شرحّتلا عن غزل البنات وكل الأطعمة الإصطناعية والسكاكر الملوّنة؟
تابعوا معي هيدي القصة بحلقة جديدة من بودكاست 'بكل حب.'
استمع إلى بودكاست مبروك كبرتي على أنغامي
ليش سني تأخّر كتير ليطلع وباقي الأسنان طلعوا بسرعة؟
ليش سنّي لي نزل من فترة تأخّر كتير ليطلع وباقي الأسنان لي راحوا من قبل طلعوا أسرع؟ وليش عم ياخد وقت كتير هالمرّة؟
كتير أوقات أطفالنا بيشعروا بضرورة الإشيا تصير بعجلة ومفهوم الوقت لإلهم ما كتير بيكون واضح، وكتير أوقات نحنا ككبار وكأهل منستعجلّهم وبدنا كل مراحل النمو والمراحل التعليمية تصير بسرعة من دون الأخذ بعين الإعتبار وتيرة جسمهم وجهوزيتهم.
كيف شرحتلّها مفهوم الوقت لبنتي بس ضلّت تسأل عن سنه
ليه ما فيني حط ماكياج هلّق وعلى أي عمر بقدر حط؟
ليش ما فيني حط ماكياج على وجّي وليه ما فيني حط مانيكير (طلاء أظافر) على ضفيري؟ وبس يصير عمري قدي بقدر حط؟ طيب وليش ما فيني استعمل علب الماكياج المعمولة للأطفال والموجودة بمحلّات الألعاب؟
من الطبيعي جداً بناتنا الزغار يشعروا إنو عبالهم يحطوا ماكياج وطلاء أظافر ويقلّدوا أمهاتهن وشو عم يشوفوا من حولهم. ليش من الأحسن ما نسمح بهالشي وكيف ممكن نشرحلهم وشو جاوبتها لبنتي بس سألتني عن هالموضوع؟
تابعوا
ما بدي دافع عن حالي.. يمكن يقولوا عني غير لطيفة
أوقات كتير منشعر بالخوف إذا اضطرينا نرسم حدود ونقول لا لشخص كل يوم عم يؤذينا ويجرحنا ومنصير خايفين عمشاعره أكتر من حرصنا على مشاعرنا.
كيف منربي أطفالنا يعرفوا يدافعوا عن حالهم من دون الخوف من حكم الآخرين عليهم؟
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
أنا بحب شعراتي كتير وما بدي قصهم!
أوقات بيكون ضروري ناخد قرار نحنا شايفينو الأنسب لخير أطفالنا بس هني مش قادرين يشوفوا هالقرار فعلاً مناسب يمكن لأنهم خايفين وهالشي جديد عليهم. حقهم أكيد يخافوا ونحنا دورنا نسمعلهم ونشرحلهم ونطمنهم.
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
يعني معقول تسمحي لبنتك ترسم على حيطان البيت؟
أوقات مننسى إنو كنا كلنا أطفال وبمراحل عديدة كلنا رسمنا على حيطان البيت أو كان عبالنا نرسم بس خفنا من القصاص واليوم بس صرنا أهل صرنا بدنا نقاصص أطفالنا كل ما رسموا عالحيط.
- يعني معقول تسمحي لبنتك ترسملك على حيطان البيت؟
- نعم معقول.
- كيف؟
تابعوا معي هيدي القصة بحلقة جديدة من بودكاست 'بكل حب.'
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
في بنت قالتلي إنتي مش حلوة لأنو ما عندك أسنان
أوقات أطفالكم بيسمعوا عبارات وتعليقات كتيرة غير لطيفة عن جسمهم وعن مظهرهم الخارجي وهالأمر ممكن كتير يجرحهم ويزعجهم. بكل حب، كيف ممكن تعالجوا هيدا الموضوع؟
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
خبّرت رفقاتي خبرية وضحكوا عليي
أوقات بيرجعوا أطفالكم عالبيت حزينين عم يخبروكم إنو شاركوا أصحابهم خبرية أو رأي وضحكوا عليهم أو سخروا منهم. بكل حب، كيف ممكن تستمعوا وتصغوا لإلهم وتمنحوهم مساحة آمنة للتعبير عن لي آلمهم وتساعدوهم على تخطي لي صار؟
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
رسمتي أحلى من رسمتك
أوقات منشوف أطفالنا عم بيقارنوا حالهم مع غير أطفال أو عم يتنافسوا مين أنجز أفضل من التاني أو مين عندو ألعاب أو تياب أو أغراض أكتر أو مين الأفضل. كيف فينا نتصرّف بكل حب للحد من تربية أطفال عم يشعروا بحاجة دائمة للمقارنة والمنافسة وانعدام الأمان.
تابعوا معي هيدي القصّة بحلقة جديدة من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
بنتي كسرت فنجان بحبو كتير
أوقات أطفالنا بيكسروا غرض كتير عزيز على قلبنا.
كيف منقدر نتصرّف معهم بكل حب من دون أذيتهم نفسياً جسدياً وعاطفياً؟ تابعوا معي هيدي القصّة بالحلقة الأولى من بودكاست 'بكل حب'.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
عن البودكاست
حلقة جديدة كل يوم احد.
استمع إلى بودكاست مبروك كبرتي على أنغامي الآن
https://hakawati.fm/mabrouk-kbirti
